توكنمه‌ین دیلك،

      سولمایان آرزو،

داغلار تیتره‌سه‌ده، سن تیترمه‌دین

تپیگینله دؤیدون-

داغ دره‌لری.

او چتین یوللارین،

 داشلی یوللارین،

 نه چالی باغلادی-

      نه چاقیقر تیكان.

آلچاقین سویوندان دیله وورماییب،

ائله‌دین زیروه‌ده، اوجادا مكان.

قلمی سوزدوروب بارماقین ایچره،

باغلادین یاراسین.

بیر- بیرائلیمین.

آلیب اؤزلوگومو وئردین اؤزومه،

سؤزو وار دئمه‌یه،

      ایندی دیلیمین.

اوستادیم!

قانونوم،

آی عدالتیم!

چیرپینیر اوجومدا آنجاق اوره‌گیم.

اوره‌كلر سنین‌له توكنمه‌یه‌جك،

یوللارجا

یوللارا ایزین سپیلیر.

توكنمه‌ین دیلك،

سولمویان آرزو،

داغلار تیتره‌سه‌ده سن تیترمه‌دین.

نوشتن دیدگاه


تصویر امنیتی
تصویر امنیتی جدید