اؤن سؤز و شعر توركجه ده

 آذربايجان شفاهي ادبياتي ، عصرلر بويونجا دياريميزدا يارانان بؤيوک بير بديعي خزينه‌دير. بو خزينه‌نين دگرلي اينجيلري‌نين بؤيوک بير قيسمي توپلانيب آراشديريلماميشدير. بيز بو آرديجيل يازيلاريميزدا ؛ بو بؤيوک بديعي خزينه‌ميز حاققيندا سؤز آچاجاغيق. حؤرمتلي اوخوجولار بو ساحه‌ده هم نظري مقاله‌لري و هم‌ده شفاهي ادبياتيميزين مختلف قوللارينا عايد توپلاديقلاري نوعلاري نشر اوچون بيزه گؤندره بيلرلر.

شفاهي اديباتيميز مختلف مضمون و فورم نوعلارينا گؤره بؤلونموشدور لاکن بيرينجي باخيشدا، ايکي آنا قولا آيريلماقدادير.

1.      منظوم نوعلار.

2.      منثور نوعلار.

بو ايکي آنا قولون ايچينده گئنيش مقياسدا ياييلان «منظوم- منثور نوعلار»دا آراشدير مالي‌دير.

 

1.     منظوم نوعلار

شفاهي ادبياتيمزدا منظوم سؤزلره عموميتله «قوشما» دئييلر. بو سؤز «قوشماق» مصدريندن آلينميشدير. ايندي آذربايجان تورکجه‌سينده‌ده همين معنادا ايشله‌نير.

بو مصدردن آيريلان «قوشما» سؤزو، فعلدن اسم دوزلدن ايکي شکيللي ما/ مه أکي نين فعلين امر کؤکونه ياپيشاراق دوزلديلميشدير و ايکي اساس معناسي واردير. بيرينجي خصوصي معنادا اون بير هجادا يازيلان شعرين آدي‌دير. ايکينجي عمومي معنادا هر جوره نظم و شعره و نثر اولمايان سؤزه دئييلر.

بعضي ادبيات شناسلار بو سؤزو اؤز خصوصي معناسيندان چيخارتماماق اوچون، اونو عمومي معنادا ايشلنديکده «قوشغو» شکلي وئرميشلر.

غرض ، آذربايجان شفاهي ادبياتي منظوم نوعلاري ، شکيل باخميندان ايکي آنا بؤلومه آيريلير:

1.      جوت هجاليلار

2.      تک هجاليلار

 

• جوت هجالي قوشغولار

جوت هجالي قوشغولارين ان قيسساسي دؤرد هجالي و ان اوزونو اون آلتي هجالي اولور. تک هجاليلارين ايسه ان قيساسي اوچ هجالي و ان اوزونو اون بئش هجالي اولور. قوشغولاردا گلن هر بير سطره «مصراع» آدي وئريريک. هر مصراع ايکي اساس «تايا» لونور. بئله حالدا جوت هجالي قوشغولاردا ايکي حال أوز وئرير:

1.      هر ايکي «تاي» بيري- بيريله مساوي اولور.

2.   بير تايين باشقا تايا گؤره فرقي ايكي هجا اولور. تک هجالي قوشغولاردا ايسه بو ايکي تاي آراسيندا فرق بير، اوچ و يا بئش هجا اولور. بوردا فرق بئش هجا اولاندا ايسه فرعي بؤلگو يارانير. (2+3) و (3+2).

3.      آشاغيدا بوتون قوشغولاريميزين اصلي و فرعي بؤلگولريني گؤسترن ايکي جدول رسم ائديريک:

 

جوت هجالي قوشمالارين جدولي

ساي

هرمصرعين

بيرينجي اصلي

ايکي «تاي»

ايکينجي

اصلي بؤلگو

ايکي تاي

اؤلچوسو

بؤلگو

آراسيندا فرق

1. نجي فرعي بؤلگو

2. نجي فرعي بؤلگو

آراسيندا فرق

1

4هجا

2+2

0 (صفر)

1+3

3+1

3 هجا

2

6

3+3

0 (صفر)

2+4

4+2

3 هجا

3

8

4+4

0 (صفر)

3+5

5+3

3 هجا

4

10

5+5

0 (صفر)

4+6

6+4

3 هجا

5

12

6+6

0 (صفر)

5+7

7+5

3 هجا

6

14

7+7

0 (صفر)

6+8

8+6

3 هجا

7

16

8+8

0 (صفر)

7+9

9+7

3 هجا

 

•  دؤرد هجالي قوشغولار:

بيرينجي سايدا گئدن دؤرد هجالي قوشغولار، هم آتالار سؤزلرينده، هم اوشاقلار اويونلاريندا و هم‌ده، باشقا نظم نوعلاريندا گؤزه دگير. مثال اولاراق:

يئره باخار،

اوره‌ک ياخار!

(بير ائل ترانه‌سيندن)

(2+2)

اکن بيچر،

يئين ايچر،

علي، علي،

اولما دلي،

يئمه مني،

يئمم سني!

آتما داشي،

يارما باشي!

(بير اوشاق اويونوندان آلينميشدير)      

نوشتن دیدگاه


تصویر امنیتی
تصویر امنیتی جدید