• لطفا «قارامجموعه‌» كيتابي‌ حاققيندا بيزه‌ معلومات‌ وئرين‌؟

بيليرسيز كه‌ اردبيل‌ شهرينده‌، توركجه‌ميزين‌ يئددي‌ مين‌ ايلدن‌ آرتيق‌ تاريخي‌ واردير.بو بؤلگه‌ده‌ تاپيلان‌ داش‌ يازيتلاري‌ و ميتولوژيك‌ يئر آدلاري‌، توركجه‌ميزين‌ اوزون‌زامانلاردان‌ بري‌ بورادا ياشاماسيندان‌ حكايت‌ ائدير. اسلاميتدن‌ سونرا، اسلامي‌ شاه‌اثرلريميزين‌ چوخودا همين‌ بؤلگه‌ده‌ قلمه‌ آلينميشدير. نسخه‌ شناس‌ عاليملرين‌ نظرينه‌گؤره‌ «ده‌ده‌ قورقود كيتابي‌»نين‌ درسدن‌ نسخه‌سي‌ده‌ اردبيل‌ شهرينده‌ استنساخ‌اولونموشدور. بو شهرده‌ يازيلان‌ ان‌ مهم‌ اسلامي‌ توركجه‌ اثريميز «قارا مجموعه‌»دير.بو كيتاب‌ صفويه‌ دؤورونده‌ ايران‌ مدرسه‌لرينده‌ اوخونان‌ ان‌ ئونملي‌ درس‌ وسائطيندن‌بيريسي‌ اولموشدور. اثرين‌ باشقا آدي‌ «مناقب‌ شيخ‌ صفي‌»دير. اينديه‌ قده‌ر بو قيمتلي‌اثردن‌ بير نئچه‌ اليازما نسخه‌سي‌ تانينميشدير. اثر، شيخ‌ عطارين‌ تذكرة‌ الاولياء اثرينه‌بنزه‌ر بير شكيلده‌ تدوين‌ اولونموشدور. اثرين‌ محتواسي‌ عموميتله‌ ايكي‌ اساس‌حصه‌دن‌ عيبارتدير. بيرينجي‌ حصه‌ده‌ شيخ‌ صفي‌نين‌ منبرلرده‌ دانيشيقلاري‌ و ايكينجي‌حصه‌ده‌ اونون‌ مريدلري‌نين‌ خاطيره‌لري‌ و حكايه‌لري‌ نقل‌ اولونور. اثردن‌ اليميزه‌ چاتان‌اليازماسي‌ 750 صحيفه‌ده‌ نستعليق‌ خطي‌ ايله‌ يازيلميشدير. هر صحيفه‌ده‌ 21 سطريئرلشير. عنوانلار لاجورد رنگي‌ ايله‌ سوسلنميشدر. نثر ساده‌ و گؤزلجه‌ آذربايجاني‌توركجه‌ ادبي‌ شيوه‌سيله‌ قلمه‌ آلينميشدير.اثرين‌ بير چوخ‌ يئرلرينده‌ شيخ‌صفي‌اردبيلي‌يه‌ منسوب‌ توركجه‌ شعرلردن‌ مصراعلاردا وئريلميشدير. هابئله‌ يئري‌گلديكجه‌ آيه‌لر و حديثلر ايله‌ اثر دولدورولموشدور. بو اثرين‌ نشري‌، بيزيم‌ بديعي‌ نثرتاريخيميز ايچون‌ چوخ‌ ماراقلي‌ بير حادثه‌ اولاجاقدير.

• اينديه‌ قده‌ر درس‌ كيتابلاريندا و ايرانداكي‌ تاريخي‌ قايناقلاردا بو اثره‌ اشاره‌اولونمور؟

بله‌، تاسفله‌ دوغرودور، ايراندا، شاه‌ زامانيندان‌ باشلاياراِ توركجه‌ ميز ايله‌دوشمنليك‌ نتيجه‌ سينده‌، ديليميزده‌ يازيلان‌ نظم‌ و نثر اثرلري‌نين‌، شوونيستلر طرفيندن‌انكار ائديلمه‌سينه‌ يول‌ وئريلميشدير و لاكين‌ «قارا مجموعه‌» اثريندن‌ بير چوخ‌كلاسيك‌ ادبي‌ قايناقلاردا سؤز گئدير. حتي‌ فارسجا تذكره‌لرده‌ «مناقب‌ شيخ‌ صفي‌»دن‌ آدآپاريلير. صفويه‌ ادبياتي‌ باش‌ تاجي‌ اولان‌ بو اثر، البته‌ تانينماليدير. چونكه‌ قرنلر ايران‌مكتبخانالاري‌نين‌ درسليگي‌ اولموشدور.

• «قارا مجموعه‌» اثري‌ نه‌ زامان‌ يازيلميشدير؟

«قارا مجموعه‌» اثري‌ شاه‌ اسماعيلين‌ وفاتيندان‌ سونرا قلمه‌ آلينميشدير. قلمه‌ آلان‌ واثرين‌ اساس‌ مؤلفي‌ معلوم‌ دگيلدير. هر حالدا، اثري‌ تدوين‌ و تأليف‌ ائدن‌ شيخ‌ صفي‌نين‌ياشلي‌ مريدلريندن‌ بيريسي‌ اولموشدور. شيخ‌ صفي‌نين‌ منقبت‌لري‌ و سؤزلري‌ ووعظ‌لريني‌ توپلايان‌ مؤلف‌، اؤچ‌ يئرده‌ده‌ شاه‌ اسماعيل‌ صفوي‌ دن‌ آد آپارير و اونون‌ايكي‌ غزليني‌ تخميس‌ ائدير.
سيزين‌ گوروشوزجه‌ نييه‌ ايراندا «تورك‌ ديلي‌ و ادبياتي‌ دانشكده‌سي‌» تأسيس‌اولمور؟ البته‌ اگر بئله‌ بير يئر قورولسا، بيزيم‌ «قارا مجموعه‌» كيمي‌ اثرلريميزده‌ چاپ‌ وتبليغ‌ اولار.
بله‌، دوغرودور. ايراندا هر يئردن‌ داها قاباِ «تورك‌ ديلي‌ و ادبياتي‌ دانشكده‌سي‌»قورولمالي‌ ايدي‌. يوزلر تأسف‌ اولسون‌ كه‌ شاه‌ دؤنمي‌نين‌ فارسلاشديرما سياستي‌نين‌دوامي‌ نتيجه‌ سينده‌، محترم‌ اسلامي‌ دؤلتيميز بو مهم‌ ايشين‌ اجراسينا موفق‌اولماميشدير. البته‌ ايراندا بير چوخ‌ بلكه‌ بير نئچه‌ «تورك‌ ديل‌ و ادبياتي‌» دانشكده‌سي‌قورولماليدير، بو آرزونون‌ تحقق‌ تاپماسي‌ حكومت‌ ايچون‌ بؤيوك‌ بير عيب‌ و نقص‌ساييلير.

• سيزين‌ نظريزده‌، تورك‌ ديلي‌ و ادبياتي‌ دانشكده‌سي‌ اول‌ هانسي‌ شهرده‌قورولماليدير؟ آيا اردبيل‌ شهري‌ سئچيريلرسه‌، مقصده‌ اويغون‌ اولماز؟

منيم‌ نظريم‌ بودور كه‌ ايرانين‌ بوتون‌ مهم‌ شهرلري‌ و علم‌ مركزلرينده‌ «تورك‌ ديلي‌ وادبياتي‌ دانشكده‌سي‌» قورولماليدير. اردبيلين‌ده‌ ئوز يئري‌ واردير. «دارالارشاد» آدلانان‌ بوشهر، هر زامان‌ اسلامي‌ تورك‌ ادبياتيميزين‌ مركزي‌ و اساس‌ قايناغي‌ اولموشدور.ايندي‌ده‌ بئله‌دير. حال‌ حاضيردا اردبيل‌ شهري‌ هم‌ سياسي‌ استراتژيك‌ باخيمدان‌ و همده‌عمومي‌ خلق‌ توپلانيشي‌ جهتيندن‌ بو مهم‌ حركت‌ ايچون‌ ال‌ وئريشلي‌ و مقصده‌ اويغون‌بير يئر و شهردير. بيزيم‌ هم‌ نوحه‌ ادبياتيميزين‌ بئشيگي‌ و همده‌ مدرن‌ شعر و نثرساحه‌ميزده‌ قلم‌ چالانلارين‌ اويلاغي‌ اولان‌ بو شهرده‌، بير چوخ‌ تورك‌ ديلي‌ و ادبياتينامسلط‌ اولان‌ شاعيرلر و قلم‌ صاحيبلري‌ ياشاماقداديرلار. آذربايجان‌ اوستانلاري‌آراسيندا، اردبيل‌ اوستاني‌نين‌ «راديو و تئلئويزياسي‌»نين‌ توركجه‌ ديلي‌ده‌ چوخ‌ تميز وديليميزين‌ ادبي‌ فورماسينا ياخين‌ بير شيوه‌دير. اودور، منيم‌ گؤروشومو سوروشسانيز،البته‌ اردبيل‌ شهري‌نين‌ دانشگاهلاريني‌دا تورك‌ ديلي‌ و ادبياتي‌ دانشكده‌سي‌ تأسيسي‌ايچون‌ اويغون‌ حساب‌ ائديرم‌.

• ايراندا تورك‌ ادبياتي‌ نه‌ زاماندان‌ باشلاميشدير؟

يوخاريدا سؤيله‌ديگيم‌ كيمي‌، ديليميزين‌ ايراندا ان‌ آزي‌ يئددي‌ مين‌ ايلليك‌ميتولوژيك‌ تاريخي‌ واردير. اورخون‌ آبيده‌لرينده‌ «ساوالان‌» آدي‌ كئچير و «ساوچي‌»ايله‌ «آذچي‌» و «آذر» سؤزلري‌نين‌ بو بؤلگه‌ده‌ مقدس‌ بير اصطلاحلار كيمي‌ ايشلنمه‌لري‌قئيد اولونور. و لاكين‌ بيزيم‌ يازيلي‌ اسلامي‌ ادبياتيميزين‌ تاريخي‌ مين‌ اوچ‌ يوز ايل‌بوندان‌ قاباغا عائددير. ديليميزده‌ يازيلان‌ و ايندي‌ اليميزده‌ اولان‌ ايلك‌ اسلامي‌ اثرين‌آدي‌ «قوتادغو بيليغ‌» دير. بو اثردن‌ فردوسي‌ توسي‌ نين‌ شاهنامه‌ (=جنگ‌ نامه‌) اثري‌نين‌علاقه‌سي‌ده‌ آراشديريلماليدير.
«قارا مجموعه‌»دن‌ قاباِ ديليميزده‌ «ديوان‌ حكمت‌»، «عتبة‌ الحقايق‌»،«نهج‌الفراديس‌» كيمي‌ مهم‌ اثرلر يازيلميش‌، نسيمي‌، قاضي‌ برهان‌ الدين‌ و احمد يسوي‌ تكي‌شخصيتلر بو ديلده‌ قلم‌ چالميشلار. هله‌ من‌ اردبيل‌ اطرافيندا تاپيلان‌ توركجه‌ داش‌يازيلاريندان‌ سؤز ائتمه‌ديم‌. بو داشلارين‌ چوخو «خياو» بؤلگه‌سيندن‌ تاپيلميشلار.

• تورك‌ ديلي‌ هانسي‌ الفبا لار ايله‌ يازيلارميش‌؟

توركجه‌ ميز ايلك‌ ئونجه‌، سومر الفباسي‌ ايله‌ يازيلميشدير، سومر الفباسي‌ ايلك‌ غيرتصويري‌ الفبادير و بشريت‌ تاريخينده‌ بو الفبانين‌ توركلر طرفيندن‌ اختراع‌ اولونماسي‌ادعا ائديلير. اوندان‌ سونرا توركلر «اورخون‌» آدلانان‌ الفباني‌ اختراع‌ ائتميشلر. بوالفباساغدان‌ سولا يازيلارميش‌، حرفلر بيري‌-بيرينه‌ ياپيشماز ايميشلر. همين‌ الفبادا 18حرف‌ وارايدي‌. سونرالار فارسلار بو الفبادان‌ تقليد ائده‌رك‌ «ميخي‌» آدلانان‌ الفباني‌اختراع‌ ائتميشلر.
توركلرين‌ اختراع‌ ائتديكلري‌ اوچونجو الفبا اويغور الفباسي‌ آدلانير و فارسلار بوالفبا اوزوندن‌ «پهلوي‌» الفباسيني‌ تقليد ائتميشلر. 
اويغور الفباسي‌، ايراندا نادرشاه‌ زامانينا قده‌ر رايج‌ ايدي‌. ايندي‌ده‌ بعضي‌كندلريميزده‌ «ساياِ» آدلانان‌ حساب‌ ساخلاما الفباسي‌ واردير كه‌ اويغور الفباسيندان‌آلينميشدير.
ولاكين‌ توركلر اسلاميتدن‌ سونرا، قرآن‌ الفباسينا كئچميشلر و حال‌ حاضيردا ايرانداتوركجه‌ميز بو الفبا ايله‌ يازيلير.

• سيزين‌ نظريزده‌ نييه‌ اساسي‌ قانونون‌ 15-نجي‌ اصلي‌ اجرا اولونمور؟

بيزيم‌ اساسي‌ قانونوموز شهيدلريميزين‌ قان‌ باهاسيدير. اساسي‌ قانونوموزدا،15-نجي‌ اصلده‌ ديليميزين‌ اوخونماسي‌ و حتي‌ بوتون‌ مدرسه‌ لرده‌ و مكتب‌ لرده‌تدريس‌ اولونماسي‌ تأمين‌ ائديلميشدير. بو بير نص‌ دير. دگيشيلمزدير. ولاكين‌ دؤلت‌،اينديه‌ قده‌ر بو مهم‌ اصلي‌ اجرا ائده‌ بيلمه‌ميشدير. بو، اهمالدير ، نقصاندير. قانونسوزبير حركتدير. اساسي‌ قانونون‌ اجرا اولونماسي‌ «مجريه‌ قوه‌سي‌» بوينوندادير.اوميدواريق‌ كه‌ بو قوه‌ده‌ همين‌ اصلين‌ اجراسي‌ ايچون‌ لازمي‌ ايشلر گؤرونسون‌. اساسي‌قانونوموزون‌ 15 -نجي‌ اصلي‌ نين‌ اجرا ائديلمه‌سي‌، جمعيتيميزين‌ ان‌ مهم‌ طلبلريندن‌ساييلير.

• چاغداش‌ ادبياتيميزين‌ نمونه‌لريني‌ و مدرن‌ اثرلرين‌ زامانا اويغون‌ اولماسي‌مسأله‌سي‌ حاققيندا گؤروشونوز نه‌دير؟

البته‌ بيلير سيز كه‌ ديلي‌نين‌ تدريسي‌ قاداغان‌ اولان‌ بير ميلتين‌ مدرن‌ و چاغداش‌ادبياتيندان‌ سؤز ائتمه‌ بير آز گولونج‌ اولور. بيزيم‌ ديليميزين‌ اينجه‌ ليك‌لري‌ ايله‌ تانيش‌اولمايان‌ دانشگاه‌ گؤرموش‌ عاليملريميز وارديرلار كه‌ شاه‌ سياستلري‌نين‌ اوز قاراليغي‌ني‌ثبوت‌ ائدير. ولاكين‌ بونا تأكيد ائتمه‌ لييم‌ كه‌ بيزيم‌ ديليميزين‌ ايراندا قاداغان‌ اولماسيناباخماياراِ، بو تايدا بؤيوك‌ و دگرلي‌ دوشونجه‌ صاحيبلي‌ اديب‌ و شاعيرلريميزتاپيلميشلار، ديليميزين‌ اينجه‌ليك‌لرينه‌ جومان‌ درين‌ احساسلي‌ شاعيريميز عباسعلي‌يحيوي‌ (ائلچي‌)ني‌ ميثال‌ گتيره‌ليم‌. ائلچي‌، ديليميزي‌ هئچ‌ بير دانشگاهدااوخوماميشدير و لاكين‌ شعرلريني‌ ائله‌ اوستادليقلا يازير كه‌ هر بير تورك‌ ديلي‌ اوستادي‌و يازيچي‌ سي‌ني‌ حيران‌ ائدير. اونون‌ شعرلرينده‌ هم‌ فورما همده‌ محتوا ان‌ يئتگين‌ ومدرن‌ سويه‌ده‌دير. باشقا جوان‌ شاعيرلريميزده‌ بئله‌دير، اونلار گنج‌ و جواندان‌ آد آپارابيلرم‌. بير آزجا آكادميك‌ حيمايت‌ اولونورسا، بيزيم‌ چاغداش‌ ادبياتيميز تايسيز بيردورومدا انكشاف‌ ائده‌جكدير.

• كلاسيك‌ ادبياتيميز ايله‌ مدرن‌ ادبي‌ اثرلريميز آراسيندا فرِ و باغليليغي‌ نئجه‌دگرلنديرير سينيز؟

بيليرسينيزكي‌ كلاسيك‌ ادبيات‌ و چاغداش‌ ادبيات‌ اثرلري‌، ايكي‌ آيري‌-آيري‌مقوله‌لر دگيلدير. البته‌ كي‌ هر چاغداش‌ ادبي‌ اثر ئوزوندن‌ قاباقكي‌ اثرلردن‌ غيدالانمالي‌و يارارلانماليدير. بو، او دئمك‌ دگيلديركه‌ كيمسه‌ يئني‌ سؤز يازماماليدير. فضولي‌ ئوززامانيندا يئني‌ چي‌ ايدي‌ و چاغداش‌ ايدي‌ و لاكين‌ او، نسيمي‌ني‌ و يا ختائي‌ني‌ تقليد وتكرار ائتمه‌دي‌، اونلارين‌ تجربه‌لريندن‌ يارارلاندي‌. ملا پناه‌ واقيف‌ و سيدابوالقاسم‌نباتي‌ده‌ بئله‌ ايديلر. اونلاردا ئوز زامانلاريندا، زامانين‌ طلباتينا اويغون‌ دوشوندولر ويازديلار. ايندي‌ ده‌ بيزيم‌ عصريميزده‌ يئني‌ چاغداش‌ شاعيريميز، زامانه‌ميزين‌مصيبت‌لر و دردلرين‌ دويان‌ و حس‌ ائدن‌ مبارز روحلو شاعير اولماليدير، سؤز يوخ‌ كي‌بئله‌ بير شاعير و يازيچي‌ كئچميشدن‌ گلن‌ اولو بابالاريميزين‌ سسلرينه‌ سس‌ قاتماليديرو زامانين‌ فريادينا چئوريلمه‌ليدير.

• مدرن‌ دونيادا ياشامايان‌ سنت‌ چي‌ شاعير حاققيندا نه‌ دئيه‌ بيليرسينيز؟

منيم‌ گوروشومجه‌، هر جوره‌ چاغداشليق‌، اسكي‌ چيليكدن‌ قايناقلانير. سنتلره‌باغليليق‌ و مدرنيسم‌ بيري‌-بيري‌ ايله‌ تضاددا اولان‌ ايكي‌ آيري‌ شيوه‌لر دگيلديرلر.ولاكين‌ بعضاً افراطكار مدرنيستلر و يا مرتجع‌ سنت‌چي‌لرده‌ تاپيلير. منيم‌ نظريمده‌چوخ‌ مهم‌ مسأله‌ بودور كه‌ يازيچي‌ و شاعير «درد اهلي‌» اولماليدير و وجودو «عشق‌»ايله‌ يوغرولماليدير و هر نه‌يي‌ دردمندليكده‌ و عشقده‌ گؤرمه‌ليدير. فضولي‌ دئميشن‌ :
عشقدير هر نه‌ وار عالمده‌
باشقا بير قيل‌ و قالدير آنجاِ

• آيا بيزيم‌ ديليميزين‌ فلسفي‌ و علمي‌ مفهوملاري‌ بيان‌ ائتمگه‌ گوجو واردير و يايوخدور؟

توركجه‌ميزين‌ التصاقي‌ بير ديل‌ اولدوغو ايچون‌، گئنيش‌ سؤز داغارجيغينا ماليكديرو سؤز تؤرتمه‌ده‌ بؤيوك‌ امكانلاري‌ واردير. ديليميزده‌ حال‌ حاضيردا هشتادمين‌ يالين‌لغت‌ و سؤز كؤكو ايشلنمكده‌دير توركجه‌، فعللرين‌ تصريفي‌ باخيميندان‌، دونيانين‌ هربير ديليندن‌ گئنيش‌ بير سويه‌ده‌ دورور. قالدي‌ كه‌ فلسفي‌ و سياسي‌ مفهوملار،اسلاميتدن‌ سونرا ديليميزده‌ بيان‌ ائديلميشدير، مثلا 447 هيجري‌ ايلينده‌ تبريز شهرينده‌حضرت‌ علي‌ عليه‌ السلامين‌ مسيحيلر ايله‌ سياسي‌ آنلاشماسي‌ توركجه‌ ميزه‌، بيرسياسي‌ نثر تجربه‌سينه‌ داياناراِ ترجمه‌ ائديلميشدير. هيجري‌ دؤردونجو و بئشينجي‌اثرلرده‌ «جوجي‌»نين‌ فلسفي‌ ديواني‌ و «تركي‌ كيشي‌»نين‌ سياسي‌ شعرلري‌ تدوين‌اولونموشدور. همين‌ عصرده‌ «ديوان‌ لغات‌ الترك‌» علمي‌ اثري‌ و «قوتادغو بيليغ‌»فلسفي‌ اثري‌ يازيلميشدير، سونرا «تفتازاتي‌» توركجه‌ ميزده‌ بير نئچه‌ فلسفي‌ و علمي‌اثرلر يازميشدير. همين‌ عصردن‌ باشلاياراِ توركجه‌ ميزده‌ تاريخي‌ نثر مدنيتي‌ باشلايير.بير چوخ‌ «فتوت‌ نامه‌»لر، «سالتوِ نامه‌»لر و «سلجوِ نامه‌» لر توركجه‌ يازيلير.
دئمك‌ ايسته‌ييرم‌ كه‌ فلسفي‌ و سياسي‌ نثر مدنيتي‌نين‌ توركجه‌ ميزده‌ مين‌ ايلليك‌سابقه‌سي‌ واردير و ديليميزين‌ گئنيش‌ ديلچيليك‌ امكانلاري‌ دا بونا آرتيريلسا، هر بيربوروشوِ و اينجه‌ مفهومو بيان‌ ائتمگه‌ ال‌ وئريشلي‌ ديل‌ اولدوغو نظريه‌سيني‌بيان‌ائتمه‌ادعاسيندايام‌.

• ايندي‌ يازي‌ قايدالاري‌ آراسيندا اولان‌ تشتت‌ حاققيندا نظريز نه‌دير؟

بيزيم‌ تاريخ‌ بويونجا، املاء مدنيتيميز اولموشدور. املاء مسأله‌سي‌ يئني‌ بير مسأله‌دگيلدي‌. بير دريا اليازما و خطي‌ نسخه‌ واردير كي‌ ايندي‌ بو نسخه‌لرين‌ املاءقايدالاريني‌ منيمسه‌مه‌ هاميميزا بير آكادميك‌ بورج‌ و وظيفه‌ ساييلير و لاكين‌ مسأله‌بوراسيندادير كه‌ ايراندا، بير طرفدن‌ ديليميزده‌ يازي‌ قايدالاري‌ اولماما بوش‌ نظريه‌سيني‌ اورتايا آتميشلار و باشقا طرفدن‌ املاء مدنيتي‌ ايله‌ كيمسه‌ني‌ تانيش‌ ائتمه‌ميشلر.اودور كي‌ كئچميشده‌كي‌ قايدالار ايله‌ تانيش‌ اولمايان‌ بير چوخ‌ شاعير و يازيچيلار،بيردن‌ بيره‌ ديليميزده‌ يازما امكاني‌ تاپاندا، گويا كي‌ يئني‌ بير حادثه‌ ايله‌ اوز به‌ اوز دورلر،ئوزلري‌ قايدا - قانون‌ ياراتماغا باشلاميشلار.
البته‌ يازي‌ قايدالاريندا بعضي‌ سليقه‌لرين‌ اختلافلي‌ اولماسي‌ طبيعي‌ بير حالدير، بومسأله‌ هر ديلده‌ده‌ واردير. فارس‌ ديلينده‌ده‌ «آئين‌ نگارش‌ فارسي‌» جوره‌ - جوره‌ دير.انگليز و روسجادا بئله‌دير. بيزيم‌ ديليميزده‌ده‌ بعضي‌ عاليملريميز ئوزلري‌ علمي‌تجربه‌لري‌ اساسيندا، خاص‌ يازي‌ قايداسيندان‌ تبعيت‌ ائديرلر و لاكين‌ بو اختلافلاري‌داگرك‌ نظره‌ آلاِ كه‌ ايكي‌ اساس‌ مسأله‌ : بيرينجي‌سي‌ علمي‌ بير پرنسيپ‌ وانظباطاباغلانماِ و ايكينجي‌ بو كي‌ كئچميشده‌كي‌ املاء تجربه‌لريندن‌ يارارلانماِلازيمدير.
هر حالدا سوز يوخ‌ كه‌ ياخين‌ گلجكده‌، «بير واحيد املاء» طرفينه‌ يؤنه‌له‌جه‌ييك‌.

• بير سون‌ سؤال‌ كيمي‌ سيزين‌ اردبيل‌ شهري‌ ايله‌ باغليليغيز و علاقه‌نيز حاققيندابعضي‌ بيلگي‌لر آلماِ ايسته‌رديك‌؟

من‌ اردبيلي‌ ئوزوم‌ ايچون‌ «آنا شه‌هر» حساب‌ ائديرم‌. اوّلاكي‌ بو شهرده‌ ايكي‌ ايل‌ياشاميشام‌ و معلم‌ليك‌ ائتميشم‌. ايكينجي‌ بوكي‌، دارالارشاد آدلانان‌ اردبيل‌ شهريني‌، هرزامان‌ ديل‌ و ادبيات‌ تاريخيميز و ملي‌ بيرليگيميزين‌ سيمبولوكيمي‌ ئوز ذهني‌تصويرلريمده‌ حس‌ ائتميشم‌. منيم‌ ايچون‌ اردبيل‌ سؤزو، اورخون‌ آبيده‌لرينده‌ سسلنن‌وحي‌ و ايلهام‌ قايناغي‌ «ساوچي‌»لار شهري‌، شاه‌ اسماعيلين‌ عزت‌ و وقاري‌ نين‌ تمثيلي‌و كواكبي‌ اردبيلي‌نين‌ بيلگي‌ و علمي‌ و ديليميزين‌ ان‌ دولغون‌ لهجه‌سي‌نين‌ يوردودور.من‌، ئوز حسياتيمي‌ و ايچدن‌ گلن‌ دويغولاريمي‌ «اردبيل‌ لوحه‌لري‌» شعرلريمده‌ ديله‌گتيرميشم‌. بو شهر ايله‌ باغلي‌ عاطيفه‌ لر و احساسلاريمي‌، عادي‌ ديل‌ ايله‌ بلكه‌ بيان‌ائده‌بيلمه‌رم‌. اودور كي‌ اجازه‌ وئرين‌ همين‌ شعرلره‌ مراجعه‌ ائدك‌.

آواي‌ اردبيل‌ يازي‌ هيئتي‌ سيزين‌ واختينيزي‌ بيزيم‌ اختياريميزدا قويمانيز ايچون‌تشكر ائدير.

برچسب: دکتر حسین محمدزاده صدیقین مصاحبه‌لری

نوشتن دیدگاه


تصویر امنیتی
تصویر امنیتی جدید