این کتاب که با نام «ائل نیسگیلی» در 766 صفحه رقعی با جلد گالینگور توسط نشر تکدرخت به چاپ رسیده است حاوی تمامی اشعاری است که استاد طی چهل سال از سن هجده سالگی تا سال 1382 سروده اند. این کتاب که توسط ائلدار محمدزاده صدیق گردآوری شده است دارای 18 بخش است.اشعار این کتاب در انواع زیر دسته بندی شده اند:

قوشمالار - گرایلیلار- بایاتیلار- قوشا بیتلر- سربست شعرلر- دیوانیلر- بئشلیکر- مخمس- دوققوزلوق- اونلوق- غزللر- قطعه لر- مثنوی- مثلث - ترجیع بند- منظومه لر- گؤروشلر و نظرلر- جدوللر (نمایه).

 کتابهای دکتر حسین محمدزاده صدیق، دوزگون

نمونه ای از اشعار ایشان به شرح زیر است:

ابدی حیات

همیشه‌لیک، ابدی بورجلویام سنه بیلیرم

وطن!

بو بورجو ادا ائتمگه توانیم یوخ

منیم کی جانیم یوخ

کی او ابد اولسون!

سن ای منیم ابدی اومدوغوم آنا یوردوم

بوتون اومودلاریمین قایناغی

ترانه‌سی‌سن،

اورکده اکدیگیم هر بیر گولون‌ده دانه‌سی‌سن،

دیلک فسانه‌سی‌سن.

منیم اؤزوم ده گؤزوم‌ده سنه نثار اولسون!

سنین بؤیوک گله‌جک -

اعتبارلی شانلی گونون،

همیشه وار اولسون!

همیشه‌لیک، ابدی بورجومو منیم، تبریز!

قبول ائیله‌گیلن،

قوی یاواش - یاواش اؤده‌ییم.

اؤزوم،

هم اولادیم

و احفادیم،

تورونلاریم، نسیلیم،

همیشه‌لیک - ابدی اعتبارلی گونلرینه،

بورجوموزو،

قوی یاواش - یاواش اؤده‌یک،

بیر به بیر وطن یولوندا گئده‌ک.

 

وطن!

بو بورجو ادا ائتمگه

بیزه مجال گل وئر...

تبریز یوللاریندا - ص 36.

 

درد وار، غم وار، کدر وار

عاشقانه شعرده یازدیم سنه،

البته یازدیم!

فورمادا، هم محتوادا،

ان گؤزه‌ل نغمه یاراتدیم!

امّا سن مندن ترانه گؤزله‌مه،

گؤزلریم ده شعله، بیر دریا غضب وار!

هارداسان سن، هارداسان یار!

درد وار، غم وار، کدر وار...

 

گل کؤنول مُلکومده مهمان اولگیلن،

گؤر نه ته‌هر وار!

من آغیر دُورانلارین دوزگون دیلی، دوزگون الی،

دوزگون تفنگی، هم‌ده دوزگون شعری‌یم، بیل!

نسلیمین گؤز یاشینی سیل!

اونلار اودلاردان چیخیبلار،

شاهلارین بوینون سیخیبلار،

سلطنت قصرین ییخیبلار.

من بو نسلین شاعری، دوزگون دیلی،

دوزگون الی،

دوزگون تفنگی،

همده دوزگون شعری‌یم، بیل!

من فضیلت یایماغا گلمیش الاهی قرضدارام!

قرضیمی قوی بیر وئریم،

عُمروم گوده‌لمیش، فرصتیم یوخ!

عشق حققیندیر سنین،

هم‌ده ترانه.

عاشقانه بِیتلر چوخ.

گل گؤزومدن باخ جهانه،

گؤر بو دار دُنیادا چوخلو شه‌هر وار.

چوخ بویالار، رنگ‌لر، نیرنگلرده،

هر بیرینده بیر ته‌هر وار.

هارداسان سن، هارداسان یار؟

درد وار، غم وار، کدر وار...

تبریز یوللاریندا - ص 37 - اسفند 1379.

یئنی انسان

ایسته‌رم غیرته گلمیش یئنی انسان اولاسان،

بو یازیق ملتی‌مین دردینه درمان اولاسان‌‌‌.

اؤزونه بیر گله‌سن‌‌‌، فخر ائله‌یم قامتینه‌‌‌،

خوبلار ایچره گزیب، سرور خوبان اولاسان‌‌‌.

گونشه یوکسله بؤرکوم اوجو شیرازلی کیمی‌‌‌،

سن کلاهیمدا منیم درّ درخشان اولاسان‌‌‌.

آچاسان صورتینی پرده‌ی منحوسیندن‌‌‌،

بو قارانلیق گئجه‌میزده مه تابان اولاسان‌‌‌.

قارا توپراقلار اوزوندن دورا شمشاد قدین‌‌‌، 

یئنه‌ده مملکت جمشیده خاقان اولاسان‌‌‌.

اردبیل دن اوجالیب شاه‌ختایی کیمی سن‌‌‌،

فرمانین جاری ائدیب تبریزه سلطان اولاسان‌‌‌.

او بویون قربانییام بیر گله‌سن محفلیمه‌‌‌،

گوللر ایچره سوزولن سرو خرامان اولاسان.

قیراسان خلقین آیاغیندان اسارت ایپینی،

دوزگون ـون باشین اوجالدان یئنی انسان اولاسان.

اردبیل لوحه‌لری - ص  21 .

مهمان

سن پری‌رو، ماه‌پیکر، تورک خوبانسان، گؤزه‌ل،

بیر فرشته باطن و ظاهرده انسانسان، گؤزه‌ل!

آیری بیلمم من وجودون، اؤز وجودومدان گولوم،

جسمیمه روح و روانسان، جانیما جانسان گؤزه‌ل.

آی کیمی، کعبه مثالی نورلادیرسان خانه‌می،

گؤزلریمده یوسف وکؤنلومده کنعان سان گؤزه‌ل.

سوت آخیر بال تک لبیندن، آغزین آچجاق صحبته،

تَحتِهَا الاَنهارلی بیر باغ رضوانسان گؤزه‌ل.

من جهانین گردشیندن مات و مبهوتام کی سن،

بو عجم پرگارینا نولموش کی حیرانسان گؤزه‌ل؟

خصمینه تسلیم اولما، کسمه‌سن ده، باس اونو،

غیرتی دیلده گزه‌ن تورک مسلمانسان گؤزه‌ل.

غیرتین قویسان قیراغا، خانه‌میز ویران اولار،

خانه‌نین دؤرد گوشه‌سینده اولو ارکانسان گؤزه‌ل.

مرد مردانه دولان، نامردلره میدان اوخو،

ناکیشیلیک صفحه‌سینه، خطّ بطلانسان گؤزه‌ل.

ظلمه باش اگمه، اسیرِ ظالم ائتمه خلقینی،

سن نسیمی مثلی سن، بیر پارچا عصیانسان گؤزه‌ل.

یوردومون دؤرد گوشه‌سیندن خلق گؤز تیکمیش سنه،

ائللرین تاریخینه بیر قدسی عنوانسان، گؤزه‌ل.

سئوملی مین بیر سجیّه سنده وار، یوخ کیمسه‌ده،

داشلار ایچره دُرّسن، لعلِ بدخشانسان، گؤزه‌ل.

احترامین ساخلا صاحب خانه‌نین دوزگون کیمی،

دؤرد - بئش گونلوک جهاندا سن‌ده مهمانسان گؤزه‌ل.

یورد غزللری - ص 25.

مقدس آرزولو تبریزیم منیم

سن منیم شعریمین روحونا دؤندون،

مقدس آرزولو تبریزیم منیم‌‌‌.

سیلینمیر کؤنلومدن قهرمان آدین،

مقدس آرزولو تبریزیم منیم‌‌‌.

 

عشقینی آلمیشام اوره‌گیمه‌‌‌، بیل‌!

من کی یانیندایام‌‌‌، گؤزلرینی سیل‌!

دانیش بیر‌‌‌، هاردا بس دادلی- دوزلو دیل‌؟

مقدس آرزولو تبریزیم منیم‌‌‌.

 

من سنده تاپمیشام بابک عنادین،

باهار گوللرینین قوخوسون دادین‌‌‌.

چیخماز خاطریمدن هئچ زمان آدین،

مقدس آرزولو تبریزیم منیم‌‌‌.

 

ای منیم حیاتیم بؤیوک آمالیم‌‌‌،

عشقیم‌‌‌، افتخاریم‌‌‌، جاه و جلالیم‌‌‌،

سندن آیریلمازدیر فکریم‌‌‌، خیالیم‌‌‌،

مقدس آرزولو تبریزیم منیم‌‌‌.

 

سیخینتی ایچره سن منی آتمادین،

تزه فاشیستلره اؤزون قاتمادین.

قلبینی اؤزگییه گئدیب ساتمادین‌‌‌.

مقدس آرزولو تبریزیم منیم‌‌‌.

 

سنه باغلانیبدیر بوتون آمالیم‌‌‌.

سنسیز ایندی آخی پیسدیر احوالیم‌‌‌.

گل دؤیوش عزمیله قویما تک قالیم‌‌‌.

مقدس آرزولو تبریزیم منیم‌‌‌.

کیچیک شعرلر - ص  21 .

کلام

گؤزو آلا شاملو قیزی،

سینه‌نده ناری ایسته‌رم‌‌‌.

گله‌جگی یئتیرمگه،

سنین تک یاری ایسته‌رم‌‌‌.

 

اؤز ائلیمه جان دئمیشم‌‌‌،

دشمنه قان- قان دئمیشم‌‌‌.

سئوگیلیمه یان دئمیشم،

یارِ بیداری ایسته‌رم‌‌‌.

 

گؤزه‌ل سنی من آتمارام‌‌‌،

یانیندان هئچده گئتمرم‌‌‌.

حله - حله من اؤتمرم،

«بنده سواری» ایسته‌رم‌‌‌.

 

منیم اوره‌گیم بیداردیر‌‌‌،

سنیندیر هرنه کی واردیر‌‌‌.

اوّلیم آخیریم یاردیر،

کؤمگی‌‌‌، یاری ایسته‌رم‌‌‌.

 

منیم تک اشعار یازانی،

حق یولو‌‌‌، شرطی میزانی.

اؤز ایچیمیزه گزه‌نی،

گؤزه‌ل دلداری ایسته‌رم‌‌‌.

 

تات دگیلم من اگیلم،

دوزگون ـوم وار‌‌‌، آج دگیلم‌‌‌.

کیمسه‌یه محتاج دگیلم‌‌‌،

صاحب دیداری ایسته‌رم‌‌‌.

کیچیک شعرلر - ص  52 . 1348

نوشتن دیدگاه


تصویر امنیتی
تصویر امنیتی جدید